الحديث اليومي لمرضى الأنيميا المنجلية....الجزء العاشر.

[أسير الألم]

شمس آلإسلآم

الحمدلله على النتآئج الطيبة ..الله يجعل آموركـ كلهآ ميسرهـ
نحن مهتمين بآخبآركـ وآخبار جميع آلآعضآء آلكرآم

تفآحهـ
شكرآ لكـ على المجآملهـ اللطيفهـ زيكـ ...بس آكيد آلسمآء وآلنجوم آفضل من كلامي هههههه

لن آتوقف عن آحلآمي

حياكـ الله أختي آلعزيزهـ ...نرحب بآنضمآمكـ دووومآ الى عآئلتنآ آلرآئعهـ

آصرآر وعزيمهـ

صحيح آختي آصرار عندنآ آحآآسيس ومشآعر ...بعض آلآحيآن آقول ليت تموت هآلآحآسيس وآلمشآعر للآبد
وبعض آلآحيآن آقول هي نعمة آن نحن نكون حساسين ولدين مشآعر دآئمآ جيآشه ...
علمتنآ آلآلآم والحيآة الصعبهـ ..آلحب آلصآدق وحب الحيآة وحب آلنآس ومهمآ قست علينآ آلحياه
لم تصنع في قلوبنآ الا قلوب رقيقهـ لم يعرفو قيمتهآ وجرحوهآ ...للآسف
آتمنى لكـ دآئمآ آلصحهـ وآلعآفيهـ

صرخآت آلآمل

يآهلآ فيكـ آختي صرخآت آلحمدلله آن بخير وبصحهـ وعآفيهـ ..
الف مبروووكـ والله يتمم عليهم بخير
آلله يكون في عونكـ على مواعيد المستشفيآت التي لآ تنقطع ..مآلنآ إلآ آلصبر
الله يحفظكـ من كل شر

’’ابتسامه أمل’’..تناهيد الشوق..أسمهان..أوراق الربيع..آتمنى تكون دآئمآ بصحهـ وافيهـ ..الله يحفظكم

[زهور الريف]

كيفكم حبايبي ؟؟
ان شاء الله بخير و صحتكم كويسة ..
تسمحوا لي اقول شي ..
احبكم و اعزكم كثيييييييييييير ..
مع اني ما شفت احد فيكم الا ان لكل واحد مكانه خاصة في قلبي ..
ربي يدوم الصحة على الجميع و يبعد الالم يارب ..

[الفراشة المتألقة]

سلآم عليكم ..
اخباااركم ؟؟ يارب تكونون بخير ..
زهور ..حتى انا يعلم الله كل نفره ونفر له مكانه بقلبي ..

انا شويه الاسبوع ذا عندي نوبه تتراوح بين خفيفه والمتوسطه ..الحمد لله على كل حال ..

الجميع ..كونوا بخير ..
دعواتي لكم بذلك ..

[شوق أحمد]

السلام عليكم ورحمة الله وبركاته
مساء الخيرات على الجميع

كلكم في القلب أعذروني ما أقدر أرد عليكم جميعاً هذا الأسبوع كنت مضغوطه في الشغل عندنا حملات التطعيم
أكيد الكل سمعها في المدارس الحصبة والحصبة الألمانية والنكاف فأنا أطلع مع الفريق الطبي للتنسيق معهم في المدارس
وطول هذا الأسبوع وأنا مرة متعبة ورهقة جداً والسكلر عامل عمايله مرة تاعبني ربي يعين

المشاركة الأصلية كتبت بواسطة تفاحة

شمس الحمدلله على سلامتك الله يعطيكي العافيه يارب ونشوفك زي الحصان ممكن اعرف من وين انتي؟ استغفري كثير انا جربت الاستغفار صارت معجزات بسببه كل ماتمنيت شي جاني الحمدلله
شكرا لكم وحشتوني مره

الله يعافيك حبيبي تفاحة والله مداومه على الإستغفار تسلمين على التذكر
أنا يالغلا من الشرقية - الأحساء

المشاركة الأصلية كتبت بواسطة أسير الألم

شمس آلإسلآم

الحمدلله على النتآئج الطيبة ..الله يجعل آموركـ كلهآ ميسرهـ
نحن مهتمين بآخبآركـ وآخبار جميع آلآعضآء آلكرآم

تسلم أخوي أسير الألم ربي يسرها على الجميع يارب

شكراً لكم جميعاً وسلامي الخاص وحبي لكم

[زهور الريف]

الفراشة
الف سلامة عليك ما تشوفي شر اختي ..
الله يعين يالغالى

شمس الاسلام .
الله يعينك على الزحمة و يقويك يارب ..

اصرار و عزيمة ..
كيفك اختي ان شاء الله بخير ؟
تعرفي احسك مررررررررة حنونة و من النوع الي حب يسال عن اخبار احبابه على طول .ز
ربي يحفظك و يخليك و يعطيك على قد نيتك يارب

اسير الالم .
اهلا اخوي كلماتك دائما مميزه ربي يحفظك و يخليك و يبعد عنك الالم يارب ..

تفاحة ..
كيفك ؟ ان شاء الله امورك تمام ؟

نوارة
لك وحشة احس صار لك كم يوم ما بينيتي .؟؟
ان شاء الله انك بخير ؟ امورك كويسة ؟

صرخات
الله يعينك حبيبتي و يقويك و يعطيك خير الهيدرا و يكفيك شره يارب ..
تمنيت اني اشوفك في عرس اخوي :) .

لن تتوقف احلامي
الصراحة اسمك مرررة رووووووعة .
عرفتي تختاري اسم حلو ومعبر كثير ؟
ربي يحفظك و يخليك يحقق كل احلامك يارب

’’ابتسامه أمل’’..تناهيد الشوق..أسمهان..أوراق الربيع..آتمنى تكون دآئمآ بصحهـ وافيهـ ..الله يحفظكم
انا مرهقة كثير و احس بتعب و خمول و حمودي يده ورمانه و تعبان شويتين .. بس مالنا الا نقول الحمد الله على كل حال ..

[اصرار و عزيمة]

تحيااتي للجميع
صباح الخير لأني قالبه الليل نهار و النهار ليل .. اعاني من قلة نومي و ضيق الوقت عشان شغلي
الحمدلله عندي عمل .. لا وعمل متعب بعد .. احيانا يخف الضغط و احيانا يشتد .. يارب مايأثر علي سلبا يااارب
ما ابي ارقع شي و يخترب شي تدرون رقيقه مررره عظامنا .. هشه مثل البسكويت .. رحمتك يا رحمن



أسير الالم
شكرا لك .. شكرا جزيلا
الله وحده يعلم مدى عمق المعاناة في صراعنا مع المرض الذي ينتهش اعضائنا .. ويؤثر على نفسيتنا
و هو وحده القادر على انتشال ارواحنا الى لذة قربه و من ثم رضاه .. فرضاه عنا غايتنا
اللهم اجعلنا ممن رضيت عنه .. اللهم آمين

الفراشه المتألقه
ربي يحفظك و يحميك من كل شر ..




شمس الاسلام
ماتشوفي شر عزيزتي
ازمات و تعدي ان شاء الله .. المهم نفسيتك خليها مبسوطه و ريلاكس
تراني من ضغوط عملي و شدة قلقي و توتري في بعض الامور عشان تمشي كويس صار عندي ارتفاع في هرمون الحليب
و اثر على حاجات ثانيه فسيولوجيه عندي .. و نصحتني طبيبة النساء ابعد عن التوتر .. الله يعين اجسامنا على السكلر الدلوع



زهور الريف
هههه .. هذا لأنك انتي حنوووونه
فتشوفيني كما انتي كذلك
جيتي على الجرح .. تراني رغم اللي قلتيه ماعندي صديقات مخلصات
احيانا اقول العيب مني .. يمكن من كثر ما اسال عنهم و راعيهم و اتفقدهم دللتهم كثير ..
الله يشفي لك حماده يارب و يجبر خاطرك يابعد قلبي

[زهور الريف]

هلا اصرار ..
تسلمي حبيتي ..
العيب منهم اكيد :) .. انت ماشاء اللع عليك تجنني :)
ربي يكون بعونك يارب و يبعد عنك الالم على سالفة العظام ..
بالاخير طلع حمود عنده شرخ و جبسو يده ..
الله يكون بالعون

[هدوء البحر]

السلام عليكم
مساء الخير والخيرات

ياهلا بيج زهور يالغلا
وحشتني مرررررره
ماعلية شر حمودي
اخبارهم في المدرسة

ياهلا اصرار يالغلا
اخبارج ان شاء الله بخير
الله يعينك على عملك


ياهلا بيك ياشموسه يالغلا
الله يعينك على زحمه
ماعليك شر

ياهلا بيج لن آتوقف عن آحلآمي
عجبني اسمك يالغلا
اخبارك ان شاء الله بخير
نحن سعيدنا باوجودك معانا
ان شاء الله تستفيدي ونستفيد منك

ياهلا صروخه يالغلا
اخبارك ان شاء الله بخير
مبروك على خطوبة اختك عقبالك وعلى العزابية وعزبيات يارب العالمين
عتذر على ماجيت لك غناتي
لان كان عندي ظروف عائلة
الله يعينا ويساعدنا
كان نفسي احضر بس مو مكتوب لي
ان شاء الله في زواج احضر
ياهلا بيكم ’’ابتسامه أمل’’..تناهيد الشوق..أسمهان..أوراق الربيع.. واسير الالم آتمنى تكون دآئمآ بصحهـ وافيهـ ..الله يحفظكم

اما اني تعبانه شوي احس جسمي يالمني
اليوم في وحده معانا في الصف جاية تقول لي تعالي هدوء اذا رسبتي يعيدوا لش قلت لها اسم الله علي مااراسب الا بعدين قالت لي اي صح انتي شاطره
تحياتي لكم

[روعه]

السلام عليكم ورحمة الله وبركاته

وحشتوني كثير..اشتقت لكم وانتم دووم على البال

ادخل بين فتره والثانيه اطمن عليكم

بس ماعندي وقت اكتب

أختي ولدت والحمدلله قامت بسلامه

وانا الحمدلله بخييييير>>بس مالي نفس استخدم الهيدروكسي اخذه مره وعشر اسيبها الله يستر

[اصرار و عزيمة]

زهور الريف
هذا من ذوقك تسلمي
سلاااااااااااامته ألف سلامه حماده .. فديته
ازمه و تعدي و الله يعينك يارب
بسالك ليه ماتجيبين شغاله تساعدك حتى لو كانت مؤقته .. شوفي اختي على نحاسته اولادها تتمنى شغاله لكن شقته ضيقه مررره
و بعدين انا نسيت ابارك لك على زواج خيك .. الف مبروك و الله يسعدهم و يسعدك في اسرتك و يفرح قلبك ياااكريم




هدوء البحر
تسلمي يالغاليه
الله يكون بعوني و بعونك على بلوانا .. انتي الدراسه و انا العمل
و في كليهما خير لنا ان شاء الله أفضل بكثييير من البطاله و الفراااغ
ربي يوفقك و يسعدك





روعه
الف مبروك ماجاكم .. و الحمدلله على سلامة خيتك
زعلتيني .. انتي اللي كنت العام الماضي تصبريني على الهيدرا و الحين تتركيها ؟؟
لا تغااامرين ..

[اْنيــــــــــن]

صبحكم الله بالخير
اتمنى يكون الجميع بخير يارب
انا بخير دامكم بخيربس شوية انفلونزا تاعبتني
اصرار وعزيمة خليك على اسمك قوية وكللك عزيمة ومبروك خطوبة اختك وعقبالك
روعه الحمدالله على سلامة اختك وش جابت واكيد الاسم اذا مافي مانع هههه
هدوء ههههه والله ماعندها سالفة البنت وسلامتك وشدي حيلك الله يوفقك
زهور سلامة حمود مايشوف شر
الفراشة وشمس الف سلامة ماتشوفون شر
صرخات الامل مبروك خطوبة اختك وعقبالك
اسير وتفاحة واسمهان وتناهيد ولن اتوقف عن احلامي ونوارةواوراق سلامي لكم جميعاً
والغايبين ترجعون بالسلامة و يارب تكونوا بخير

[صرخات الأمل]

مساء الورد و الجوري
مساء يداوي القلب من كثر الجروحي
مساء يباعد النوبات و يقربكم من الهناء يا عيوني
مساء يسعدكم جميع و يوزع لكم محبه خاصة ما تليق إلا بـ من يحمل أطيب قلوبي

اصرار و عزيمة,
أكيد حبيبتي " حنا كتله من المشاعر لا نستطيع دفنها
و أحيان نثبت للآخرين عكس ما نحن عليه
نخرج القوة و بداخلنا ضعف الدنيا كله و هذا لا يعني عدم
الرضى بل نحاول إن نتماسك .. و كذلك هذا لا يمنعنا من عيش
حياتنا و الإستمتاع بها "
ربي يسعدك حبيبتي .
أختي لا تعاني من السكلر ولله الحمد
و الف مبارك لأختك و ربي يتمم لها على خير
و عقبالك يارب.
الله يكون بعونك و يمدك بالصحة و العافية
و الوظيفة هيك يا ضغط يا فضاوة يا تعب ههه
ما فيه حل وسط ...
شكل جلستي بالبيت قريبة

أسير الألم,
تسلم أخوي و ربي يبارك فيك و يسمع منك
و المواعيد ربي يكون بعون الجميع عليهم
انت كيفك و كيف صحتك إن شاء الله تكون بخير
ربي يمتعك بدوام الصحة و العافية.

زهور الريف,
الله يسمع منك حبيبتي
و أنا كان ودي أشوفك يالغلا
بس كانت حفلة أختي بنفس ليلة زواج أخوك
نشوفك إن شاء الله في مناسبة سعيدة قادمة
بإذن الله.
الف سلامة لك ما عليكِ إلا العافية يارب
ربي يزول عنك و يحفظك
طمنيني عنك و عن الأولاد.
الف سلامة لحمود ما يشوف شر
ربي يعطيه الصحة و العافية.

الفراشة المتألقة,
الف سلامة لك فراشتنا ما عليك شر
ربي يحميك و يحفظك
و طمنينا عن صحتك.

شمس الاسلام,
ربي يعطيك الصحة و العافية
و عساكِ على القوة دوووم حبيبتي
ربي يوفقك يالغلاا
طمنينا عنك و ربي يسعدك.

هدوء البحر,
هلا حبيبتي عارفتك ما منك قصور و أكيد ما حضرتي
لظروف خاصة و أكيد عاذرتك غناتي
أهم شيء تكوني بخير و صحة و سلامة
ربي يسعدك يالغلا و يوفقك في دراستك
و إن شاء الله نلتقي بظروف سعيدة
ما عليكِ من كلام البنات و أهتمي بصحتك و دراستك
و يارب دوم تكوني من المتفوقات.
و الف سلامة عليك ما لك إلا العافية.

روعه,
الحمد لله على سلامة أختك
و يتربى المولود في عز والدينه
و ربي يمتعه بالصحة و العافية
أستهدي بالله و ارجعي للعلاج من جديد
اهم شيء صحتك
و ربي يحميك و يحفظك.

أنين,
ربي يبارك فيك و عقبالك أنتِ كمان
ربي يحميك و يحفظك يالغلا.

الباقين,
بإنتظار عودتكم من جديد

أنا,
الحمد لله بخير مع المسكنات

[زهور الريف]

هلا اصرار
..
الشر ما يجيك حبيبتي ..
للاسف ظروفي ما تسمح اجيب شغالة ..
ان شاء الله ربي يفرجها ..
هي جوجو لوحدها يبي لها شغالتين هههههههه ..
الله يبارك فيك ياقلبي عقبال كل عازب و عزبه يارب ..


هدوء البحر ..
الله يسلمك حبيبتي من كل شر .
انا اقول لك مثل صرخات ..
ما عليك من البنات و ان شاء الله تنجحي بتفوق يارب ..


روعة
تسلمي حبيتي .
مسكين ظل يعاني بصمت كم يوم لكن انا السبب خخخ المفروض من شفت يده متورمة اوديه المستشفى كنت ابي اسوي نفسي سوبر دكتوره واعالجه في البيت عل بالي نوبة سكلسل ..
يالله من اخطائنا نتعلم ..


كل ام من تشوفي يد او رجل ابنك متورمة >>>> طوالي عل المستشفى ولا تعملي مثلي ..

صرخات الامل .
تسلمي حبيتي ..
الشر ما يجيك .
انا الحمد الله عل كل حال ..
حمودي بيستخف من الجبيره يبي يشيلها لو تشوفي شو يسوي حتى يشيلها تضحكي و في نفس الوقت تزعلي عشانه .
يقول لي خلاص مر اسبوعين ههههه
الله يعينك حبيبتي و ان شاء الله تخفي و ما تحتاجي للمسكنات ..
عرس بنت اختي هذا الاسبوع ليلة الجمعه كلكم معزومين ..

[أسير الألم]

[align=right]السلام عليكم ورحمة الله وبركاته

شلونكم آن شآآآء الله بخير..الله يسعدكم

شكرآ لكل من سآل عني ..آنآ بخير وعآفيهـ الله يحفظكم

تحيآتي للجميع[/align]

[نوارة محمد]

السلام عليكم


يااارب الجميع بخير



زهور حبيبتي ماعليكم شر ...حمودي فديته ياعمري


يااارب يقوم بالسلااامة



البقية يااارب تكونوا جميعا بصحة وسلااامة وسعااادة


اعذروني اذا ماقدرت اجي اسلم عليكم وحده وحده وواحد واحد

لان النت عندي فيه مشاكل تعيق تواصلي باستمرار


الله يشفيه هو بعد ههه



تحياتي لكم جميعا

[زهور الريف]

اسير الالم
دوم بخير يارب ..

نوارة
تسلمي حبيبتي .
الشر ما يجيك ..

الله يعينك على النت و يشافيه يارب

حمود بكره عنده اشعة تلفزيونيه للمرارة >>> دعواتكم
زوزو تعبانة عندها نوبة الم في رجلها و يدها .
يا كرهي الى هالاجوء لازم فيه كل سنة تعب ..
اكره تبديل الفصول .. متعب جدا ..

[’’ابتسامه أمل’’]

السلام عليكم ورحمه الله وبركاته
صباح الخير ي غوالي ان شاءالله الكل بصحه وعافية
اختي زهور: الف سلامه على حمودي مايشوف شر ي رب
وسلامه الحلوه جوجو معافيه ان شاءالله نهاية الاوحاع ي رب
وسلمي لجميع الاخوة والاخوات ي رب الكل بصحة وسلامه...
^_^

[روعه]

صباح الغلا والشوق

اصرار وعزيمه ,,صرخات,,أنيـــــــن,,زهور

الله يسلمكم وعقبال الجميع

اصرار وعزيمه

حصلي شي وحطيت اللوم على الهيدرو او بالاصح احبااااط

أنيـــــــن

أختي جابت ولد وسمتها فراس وبعدين غيرته عمار ..وش أحلى بنظرك؟؟

الجميع

نوارة ,اسير الالم ,ابتسامة امل ,هدوء, الفراشه,شمس

والكل..اتمنى لكم الصحه والعافيه

[دريم]

صباح الخير جميعاً

أتمنى تكونوا بخير وصحه وعافيه ولاأولادكم

صار لي فتره مادخلت ولاشاركت وبسبب ظروف العمل والسفر الخارج عن ارادتي
تحياتي لكم فرداً فرداً

أبو مريم

[بنت الرافدين]

مساااااء الخير عليكم