السلام عليكم

[نوني موني]

السلام عليكم

مرحباً وصباح الخير عليكم جميعا

اليوم أنا على غير العادة

مصحصحة ونفسيتي تووووووب

الحمد لله

فحبيت. ادخل المنتدى وأعطيكم اخبار نوني

نورة كملت الشهر الثالث أمس كان موعدها أشعة القلب هي كان عندها فتحتين في القلب تسكرت وحدة وباقي وحدة والحمد لله

في المستشفى. شفت بنوتة أمورة من متلازمة داون
أنا صراحة اول مرة أشوف طفل داون

حسيت بالانتماء والجاذبية ههههههههههههه
فجلست جمب البنوته وأمها
هي كانت تلعب او تتفرج على جوال أمها
استأذنت من أمها قلت بتكلم معها
سألتها أبش اسمك حبيبتي طالعت في وماردت
قالت لها أمها ردي على خاله قالت لا هذي مو خالتي
حاولت أكلها بس ما عطاني وجهة ههههههههه
ما شاء الله كلامها واضح وذكيه
سالت أمها عن بعض الأمور
قالت هي عنيدة جداً ما اقدر تسيطر عليها
وما دخلتها اي مركز أبدا وما تابعت تخاطب
استغربت كيف ما شاء الله تتكلم بشكل واضح وهي مادخلت مركز
سألتها تدرس قالت لا ان شاء الله السنه الجايه
عمرها سبع سنوات ونص
أنا ما عندي اي خبرة وبنتي صغيرة
بس حسب ما قريت من معلومات انه التدخل المبكر ضروري ولا ماراح يتكلم الطفل