طمنوني الله يجزاكم الجنه ويحقق امانيكم

[عزيزه الشهري]

السلام عليكم ورحمة الله وبركاته

بقولكم مشكلتي وعسي تطمنوني يارب
انا عندي بنتي عمرها الحين سنه وثلاثة اشهر ولادتها طبيعيه وكانت 2 كيلو كل شيء كان طبيعي جدا لحد ماتنومت فيها بالمستشفي قبل كم يوم عشان التهاب في صدرها حطو لها اكسجين وقالو يمكن معها ليونه بالحنجره لانها تصدر صوت صرير احيانا من يوم ولادتها المهم لما شافها الدكتور قال في اشتباه انها تكون متلازمة داون وسألني اذا في احد من العايله يشبهها وهي فعلا تشبهني هم شكو فيها لانها لسي مامشت مع اني لما اخطيها تخطي معي وطبعا عشان السحبه اللي بالعيون انا قريت كل خصائص طفل الداون ورجولها عاديه الاصابع ملتصقه فبعض والثنيه اللي بيدها وحده 18 والثانيه 81 بس في فوقها خط فاصل باليد يعني كامل ع مستوي اليد زي الداون يعني خط الثمنيه نفسه واحد منهم كامل اتمني فهمتوني وكان عندها رخاوه جلست ع 11 شهر جلسه ثابته انا احس فهمها واستيعابها عادي طبيعي تلعب وتفهم علي وتلعبني لعبة انو تخبي وجهها وتبين عيونها شوي شوي وتجلس تضحك وتنطط بالمشايه بقوه يعني حركتها ماشاء الله مره حلوه وفيها نشاط ماشاء الله ترفع رجولها ع الجدار وهي متمدده وترفع بطنها يكون بس راسها وكتوفها ع الارض والحين بدت تمشي ع الكنب تقول ماما ودادا وبابا بس مدري هي تقصد تناديني ولا لا وتعرفني تسكت معاي انا وابوها ولما تشوف احد غريب تبكي 5 دقايق بس بعدين تسكت هي تشبهني انا وخواتي كثير بس الدكاتره خوفوني وخايفه تكون داون وعندها مشاكل مرضيه وحنا ماندري ارجوكم طمنوني ايش الاشياء اللي لازم تكون بطفل الداون وكيف فهمهم واستيعابهم بهالعمر ولو ابي اسوي لها تحليل وين اروح وكم يكلفني ومتي تطلع النتيجه بالرغم رحت فيها مستشفي خاص وقال نقص كالسيوم وفيتامين د لاني ابد ماعرضتها لشمس نهائي لاني عايشه بشقه وصعب