[أم الغالي نواف]

السلام عليكم جميعا

ويني عن هالمنتدى من زمان وانا احوس بهالنت عن مرض الانيميا المنجليه

وماقد مره قريت مواضيع تفيد بزياده زي هالمواضيع الراقيه

عندي كلام كثير ودي اكتبه بس في وقت ثاني
معاناتي مع ابني فلذة كبدي الوحيد نواف افديه بعمري ولا اشوف دمعته يارب ياكريم

المهم تزوجت قبل مايكون في تحاليل للزواج وطبعا بعد انجابي لولدي ولاني لاحظت لون عيونه لعمر 6 شهور فيها صفار
قلت خليني اوديه يشوفون له حل ...وهناك الصاعقه الكبرى

طبعا قبل ما اكمل انا كنت عارفه اني حامله لهالمرض قبل الزواج
اما زوجي فما ندري انه حامل للمرض

نكمل ...لما طلعت النتايج طلع ولدي حبيبي مصاب بهالمرض طبعا مايحتاج اوصف لكم حالتي
ونفسيتي استغفر الله كان الخبر موئلم وجاني مثل الصاعقه لاني ابد ماتوقعت ان زوجي حامل للمرض وان ولدي بيكون مصاب
الحمد لله على كل حال يارب تشفي كل مريض يارب

ولدي الحين عمره 3سنوات و4شهور
وبدت اعراض هالمرض تبان عليه الى اليوم له 4 ايام فخذه يألمه والحين قام يعرج

بس حبيت اسألكم هل نسبة المرض تظل زي ماهي والا تتغير مع العمر ياليت تطمنوني ؟؟
وفكرة اني اجيب طفل انابيب مأيدتها ميه بالميه
بس زوجي لا لاسباب كثيره غير مقنعه
ياليت تجاوبوني على سؤالي ولكم جزيل الشكر

[صرخات الأمل]

و عليكم السلام و الرحمة

نرحب بتواجدك الغالي علينا اختي الغالية,,أم نواف

نتمنى إنك تتواصلين معانا علشان تطمنينا عن نواف..

أختي الغالية ..النسبة تظل ثابته و ما تتغير..

لكنها ليست دليل على تكرار النوبات

فتختلف النسبة بين كل شخص عن الآخر..

ما على ابنك إلا العافية

و أتمنى إنك تشاركينا في يومياتنا

http://www.werathah.com/phpbb/showth...=10295&page=14

تقبلي دعواتي لك بدوام الصحة و العافية..

[أم الغالي نواف]

تسلمين مشكوره عنوني يعطيك العافيه

يعني حتى لماتكون النسبه مو كثيره هذا مو دليل على كثرة وقلة النوبات ؟؟

وان شالله بشارككم في موضوعكم
يارب تشفي كل مريض يارب:)

[صدى الصمت]

و عليكم السلام و رحمة الله و بركاته

أهلا بكـ أختي أم نواف

ربي يشفي ابنكـ مما يعاني منه

اطلعي على هذه الروابط و بإذن الله تستفيدي

نسب مرض الأنيميا المنجلية

فقر الدم المنجلي ( SICKLE CELL ANEMIA)


و اطلعي على مواضيع القسم فيه الكثير الذي يفيدكـ إن شاء الله

أختي لماذا تصفينها بالصاعقة ؟؟

ربي ما ابتلاكـِ إلا لأنه يحبكـ .. اصبري و احتسبي الأجر عند الله ..

دعواتي لإبنكـ بالشفاء العاجل

[أم الغالي نواف]

اختي صدى الصمت يعطيك العافيه

انا سميته بالصاعقه لاني كنت اشوف ناس تموت منهالمرض وكنت اسمع بالالام اللي تجيهم وماتحتمل وطبعا
كل ام ماتحب تشوف عيالها بهالحاله
بس الحمد لله على كل حال ...قل لن يصيبنا الا ما كتب الله لنا

----------

بسألكم ولدي من يوم الجمعه يشتكي من فخذه
واعطيه مسكن بروفين
اللي مخليني ما اوديه المستشفى ان اللالم مو قوي وعشان مايعطونه الابره
بس هل في ضرر ان اعطيه المسكن كل 6 ساعات او بس وقت الالم
والا من بكرا اوديه المستشفى ؟محتاره ؟

[صدى الصمت]

إن شاء الله ما تشوفي في ابنكـ مكروووه أبدا

و بإذن الله تروح عنه نوبات الألم نهائياً

أختي الكل يعاني و ما لنا إلا الصبر فإن الله معنا و يحبنا (:

و بالنسبة لسؤالكـ فبإذن الله سيجاوبكـ عليها الأعضاء المصابات بالمنجلية

دمتـِ بحفظ الرحمن

[thlasimia]

حياك الله اختي معنا في هذا المنتدى

اطلعي على المواضيع الكثيره وان شاء الله تستفيدي من تجارب الاشخاص من لديهم منجليه ...

واتوكلي على الله والله بيكون معنا ...

اطلعي على هذا االرابط لعل تنالين منه الفائده ..

http://www.werathah.com/phpbb/showthread.php?t=7984



اتمنى من الله عز وجل لابنك الشفاء العاجل ...


وبالنسبه لحيرتك اذا كان فيه الم خفيف وديه للطبيب فقط للأطمئنان عليه


والله يوفقكم ..

[ام ريما]

يا هلا بك اختي ام نواف

الله يشفيه لك يارب

[أم الغالي نواف]

مشكوره صدى الصمت لا خلا ولا عدم ان شالله

---------

ريومه يعطيك العافيه يالغلا
----------

ام ريما اهلين هلا بك عنوني

[قصيدة]

وعليكم السلام ورحمة الله

أهلا بك أم نواف

ماقصرت صرخات في الإجابة
بالنسبة لسؤلك عن الذهاب للمستشفى في حالة أن النوبة خفيفة

أفضل الذهاب .. لعمل تحاليل للدم
وأيضا أخذ السوائل بالوريد لأن تخفف كثير و تقصر عمر النوبة
فممكن لو كانت النوبة خفيفة .. ما يدخل المستشفى فقط ساعات ويخرج

ولا تجزعي فالمشوار طويل وأنتي دورك مهم لتساعديه على تقبل مرضه والتعايش معه بشكل أفضل

,,,

[كلي أمل]

اهلا وسهلا فيج اختي ام نواف معنا في المنتدى


الله يعطي نواف الصحه والعافيه وتشوفينه معرس


وانشا الله تستفيدين من المنتدى ومن خبرات الاعضاء


اكيد صدمه بنسبه للأم انها تكتشف انه ابنها مصاب ومعاناه في هذه الحياه


ولاكن

الحمدالله على كل حال وفي اي حال

والصبر في كل الاحوال

معك

ام مشعل

ابني مشعل مصاب باالأنيميا المنجليه

[السحاب]

أهلا وسهلا فيك أم نواف وحياك الله

الله يشفي نواف ويعافيه ويحميه ويحفظه لك ويحفظك له


البنات ماقصروا وضعوا لك الروابط وإن شاء الله تفيدك وتواصلك معنا راح يفيدك أكثر


ومثل ماقالت صدى الصمت أطلعي على مواضيع القسم وأزيد عليها وصفحاته لأن فيها الكثير من المعلومات



وأطلعي على هذا الرابط يمكن يفيدك ولو القليل

مشروع اعداد كتيب فيه نصائح من المرضى لوالديهم

[أم يامن 2008]

الله يشافي نواف ويعطيه العافية

ويشافي جميع المرضى هنا وفي كل الأقسام يارب العالمين ...

[أم الغالي نواف]

قصيدة يعطيك العافيه اختي اي المشوار طووووووووويل الله يعين
وخلاص بعد شوي بوديه المستشفى لان اليوم احس النوبه خفت بس لسه يعرج ومايقوم يمشي وان قام بس يصيح
بس مدري اخليهم يعطونه بس مغذي والا لازم الابره
ماقصرتي اختي
---------
كلي امل الله يشفي مشعل يارب
الله يحييك اختي والله يسمع منك واشوفه معرس

----------

السحاب تدرين توني امس اكتشف هالمنتدى الرائع >>>احلى يامكتشف ههههه
وتقريبا قريت اكثر المواضيع طول يومي امس عليه
واستفدت كثير منكم ومن تجاربكم مع المرض ربي يشفي الكل ويهون عليكم وعلى مرض المسلمين جميعا اللهم امين
-----------------

ام يامن امين يارب الله يسمع منك

[ليان شهد العسل]

الله يشفي ويعافي

ويشفي كل مرضى المسلمين

طمنينا عنو انشا الله بخير

[صدى الصمت]

أهلا أختي أم نواف

لا تنسي تطمنينا على نوااااف

يااا رب يشافي ابنكـ و ما تشوفيه يتألم أبدا

و نتمنى منكـ أختي الغاليه التواصل معنا ..

و حضوركـ للحديث اليومي مهم لدينا لنتعرف على ابنكـ أكثر

كما اتمنى لكـِ الإستفادة و الإفادة

دمتـِ بحفظ الرحمن

[أم الغالي نواف]

ليان شهد العسل تسلمين قلبووو


صدى الصمت الله لا يحرمني منك يارب
ماتدرين شكثر مبسوطه من تواجدي معاكم وان شالله احاول قد مقدر ادخل كل يوم واشاركم يومياتكم

اما نواف وديته وركبو عليه مغذي وعطوه ابرة فولترين
و صار احسن بس باقي للحين مايمشي عليها

[صدى الصمت]

أهليييييييين أختي أم نواف

الحمد لله انه دحين احسن من أول يا رب دوووم في تحسن

و لا يحرمنا منكـ يا عسل و نحنا سعيدين بتواجدك معنا

ربي يحفظ لك نواف و يحميه من كل سوء يا رب

[أحـمـد]

يا هلا فيك أختي أم نواف

الله يشفي أبنك و يلبسه لباس الصحه ويرفع عنه هالمرض

أختي أهم شيء تخليكِ قويه لا تضعفي ولا تستسلمي و أهم شيء لا تبكي قدامه

صحيح صعب أنه ما تبكي بس لا تبكي قدامه

لا تحسسيه أنه مختلف عن غيره أي شيء يبغى يختبره لأول مره ولو صعب عليه خليه يجرب

الله يعينك ويعين أخونا الصغير نواف










تحياتي القلبية

[أم الغالي نواف]

صدى الصمت
فديتك قلبي

احمد الله يعطيك الصحه والعافيه ماقصرت اخوي
كلامك صح بس وش نسوي لما اشوفه يتألم احس بالذنب ومستحيل ما ابكي عليه وبحكم
صغر سنه مايفهم ولا يحس فيني
بس لما يكبر اكيد ماراح احسسه بهالشي وطبعا كل شي يبي يسويه اخليه
ومارح احسسه بأنه غير عن الناس
والحمد لله على كل حال
تسلم اخوي الله يعين