 |
 |
|
|
|||||||
| الأسر الجديدة تفضل كل شيء يهم الأسر الجديدة لمتلازمة داون |
|
|
أدوات الموضوع | طرق مشاهدة الموضوع |
08-Feb-2010, 10:02 PM
|
#1 |
  مورث قمة التميز
تاريخ التسجيل: May 2009
الدولة: السعودية (الرياض)
المشاركات: 12,547
معدل تقييم المستوى: 1308   |
قصيدة معبرة عن افراد متلازمة داون
قصيدة معبرة عن افراد متلازمة داون للشاعر علي الحزمي
تحية حب أرسلهـا لكـم يـا معشـر الأخيـار إلى الآباء مـن نظمـي علـى أسمـى معانيهـا حملتم بالثقيـل همـوم فـي درب الوفـا إكبـار رسمتم فـي سطـور المجـد للغـادي مباديهـا عليكم يرتكـن منهـو يقاسـي لوعـة الأقـدار وفي رب العـلا داعـي يناجـي اليـوم واليهـا وفيكـم تعتلـي دارٍ عليهـا شامـخ الأســوار بعـزم ٍ يـا ولاة الأمــر شيّـدتـم مبانيـهـا ولو أذكر من الأفعال يوقـف خاطـري محتـار حروفـي مـا توفيكـم ولـو طالـت مراميهـا ولكن شدني حرفـي وعينـي تلحـظ الاصـرار بطفل ٍ ما قوى يفهم وش اللي مـا قـوى فيهـا إلى (متلازمـة دوان) عسانـي ألفـت الأنظـار وليت الدنيـا تسمعنـي وانـا أشـرح مآسيهـا غدت أرواحنا تبكي تشـوف المشتكيـن صغـار وبعض الناس يا حسـره حسافـه لـو تناديهـا كتبنـا للمـلا عنهـم تناقلنـا علـى الاخـبـار بغينـا كـل أم وأب يسمـع عــن خوافيـهـا إرادة ربنـا تقضـي بحكمـه كلـهـا أســرار وسبحـان الـذي أمـره بقاصيهـا ودانيـهـا وكم يا ناس مـن علـة وليـده يعلـن الادبـار وينسى واجباته اللـي تـوارت فـي طواريهـا وكم نسمع من اللي صار تسبق قولـه الاعـذار وكنّه ما رضى يحمل علـى الحسـره دواعيهـا وشوف المجتمع والناس يا حسره وش اللي صار علـى مـا نتـرك الاكبـاد للاحـزان نرميهـا وشوف الطفل ما يقدر يقول وفي حشـاه النـار وما يقوى على شكوى جـروح اللـي يعانيهـا ولكن اسمعـوا منـي ودام الـدار جنـب الـدار وحق الجار من جـاره نصيحـة حـب يهديهـا واناأهديت من نظمي حروف الحب فـي تذكـار عسى أهل العقول اليـوم تسمـع وش يداويهـا علاجه في اياديكم بسيـط ومـا يبـي استثمـار ويتركز علـى أزكـى معانـي الحـب راجيهـا على البسمه الحنونه اللي تداوي لهفة المحتـار على حضن الحنان اللـي طفلكـم يرتمـي فيهـا وتكفـى لا تـرد ابنـك اذا يطلبـك او يختـار وتكفـى وانـت رب الـدار راعيهـا وحاميهـا عسى ربي يصون ابنك ويبعـد عنـه الاخطـار وجل الخالـق الرحمـن لـي بالخلـق هاديهـا مصير ابنك يصير بيوم واثق يسلـك المشـوار وكنّ اللي طراه بيـوم أضحـى بيـن ماضيهـا وباختم بالصلاه قولي لسيـد الخلـق والاخيـار محمـد ابـن عبـدالله هـادي النـاس داعيهـا
__________________
. . . إلهنا ۩۩ جُودك دلنا عليك، وإحسانك قربنا إليك، نشكو إليك ما لا يخفى عليك، ونسألك مالا يعْسُرُ عليك ؛ إذ علمك بحالنا يغني عن سؤالنا يا مفرجَ كربِ المكروبين فرج عنا ما نحن فيه ۩۩    التعديل الأخير تم بواسطة : Balsam بتاريخ 09-Feb-2010 الساعة 10:13 AM السبب: إضافة فراغات بين الأبيات لتسهيل قراءتها :) |
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
(جديدنا) : صفحة خاصة بجديد مجموعة الدعم لمتلازمة داون 
العرض الشجري