ألتهاب و تورم العظام في مناطق الالم لدى مرضى فقر الدم النجلي، ماهو السبب ؟؟

[وردة فرح]

السلام عليكم ورحمة الله وبركاتة ....

دكتوري الفاضل .....

انا اصبت بنوبة الم وبالتحديد "" برجلي منطقة الساق "" وكانت نوبة شديده , ومن كثرة الالم " تورمت رجلي "

وذهبت المستشفى حولوني الى طبيب العظام " هذا عاد طبيب العظام صار يسحب من رجلي "" مثل الماء "" مكان الورم ....

:roll: اللي ابي اعرفه ليش اذا صابتنا نوبة سكلسل "" تتورم بعض المناطق "" :roll:
ومن أيش جاني هذا "" سائل مثل الماء "" في هالمنطقة :roll: يمكن من الادوية اللي نستخدمها ...؟؟؟؟؟؟

ابي اعرف ليش ؟؟؟؟ ومن ايش ؟؟؟؟ هالشي

طبعاً هالدكتور سحب الماي هذا ورجع لي مرة ثانية ؟؟؟؟؟

مع شكري لك ....

[وردة فرح]

وينك يا دكتور عبد الرحمن :cry:

تراك دوختنا عليك ..... صاير ما بتدخل المنتدى احنا محتاجينك يا دكتور :cry:

الله بيكون في عونك ويعطيك العافية ....

[Ahmad]

السلام عليكم

هل انتي مصابة بفقر الدم المنجلي؟

و هل هذه اول مرة يحدث معك هذا؟

هل تعرضتي لأي ضربة في القدم؟ خلال هذا الوقت؟

[Abdulrahman Alswaid]

السلام عليكم

نوبات الالم تحدث نتيجة "تمنجل" الخلايا في العروق و بالتالي تقلل من مرور الدم خلاله فبالتالي يقل الترويه و الاكسجين و الغداء لتلك المنطقة

و فيحدث "موت" للخلايا و هذه المنطقة تصبح متهالكة

و قد تتورم و يكون بها الام

من المشهور طبيا ان من لديهم الانيميا المنجلية يكثر لديهم الاتهابات بشكل عام و التهابات العظم بشكل واضح

فقد يحدث الورم نتيجة لحدوث التهاب في العظم

طبعا الافرازات التي تحدث من هذه الاورام هي التهابات و سوائل مشابهه للصديد و ليس بسائل الشبيه بالماء

ليس لدي خلفية عن ما يحدث لك الان

ولكن ماذا قال لك الطبيب


هل هو التهاب ام امر اخر

لا عتقتد ان العلاجات تسبب تجمع سوائل في الساق و بشكل محدد



تحياتي و تمنياتي لكم بالشفاء

كنت في الشرقية لمدة كم يوم الاسبوع الماضي
و هربت !! عندكم درجة الحرارة قريبة من الغليان!!

رجعت للرياض حيث الحرارة ليس مصحوبه ببخار!!

فقد نشوى بنار هادئة و جافه


تحياتي و تمنياتي لكم بهواء عليل و ليالي "نجدية"

[وردة فرح]

هلا يا دكتور ... كنت عنا ليش ما خبرتنا "" الله يهداك ...بس "" من شان انقوم بالواجب يا دكتور :-D

شفت " البردي " اللي طايح بالشرقيه :-D


مشكور يا دكتور على التوضيح ... :roll:

انا كنت خايفه من هالشي ( كنت مفتكرة اني انصبت بالسرطان)

وهالخوف مراودني بسبب اني اخذ الهيدروكسي "" ناس قالو لي انه يسبب السرطان """

يا دكتور انا اصلاً ما سألت الدكتور عن حالتي :roll: من شان كذا كنت محتاجه للتوضيحك "" الله يطول بعمرك ""

انا يوم كنت منومة بالمستشفى كانو يعطوني "" مضاد حيوي"" ... (( طبعاً في نفس المغذي بيحطوه ولونه اصفر )) ...

[وردة فرح]

مشكور ... اخوي Ahmad على اطلاعك للموضوع ...

نعم انا مصابه بفقر الدم المنجلي وهذي ليست اول مرة تتورم رجلي بعض الاحيان في الساق وبعض الاحيان في القدم بيصيبني "" ورم ""

لكن اول مرة "" بيسحبو مني هالشي "" هذي المادة .....ورجع لي مرة ثانية لكن ما ذهبت للمستشفى "" وخوفي من هالسحب "" وهالمنطقة بالذات "" الساق "" بيألم وانت عارف ...

وما اعتقد اصبت بالضربه او شي من هذا القبيل ؟؟؟

و تحياتي لك ....

[انوار]

هلا و غلا و ردة فرح :P :P
كيف الحال و شخبار صحش
وردة فرح لا تخافي و تهوسي الي حدث لساقك يحدث لغالبية مرضى فقر الدم المنجلي
حاليا و غالبا عندما يصير عندي الالم اشوق مكان الالم متورط و ما اقدر المسه
طبعا اهم شيء ما سخني على هذا الالم و التورم
لاني انا اخر مرة تورمتي ساقي و سخنت و عطوني المضاد لمدة 4 ايام
طبعا الدكتور عبد الرحمن ما قصر في التوضيح الله يعطيه العافية
و خسارة ماقال الينا انه في الشرقية كان انسوس معاه واجب الضيافة
دكتور هالمره اذا جيت قول الينا :lol: :lol: :-D

[وردة فرح]

هلا بك يا انوار .....

حبيبتي مشكورة على اطلاعك للموضوع ....


:cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry:
شفتي يا انوار .... وش سوا دكتور عبدالرحمن .... جاء لنا الشرقية بدون مايعطينا خبر :cry:

انا عن جد زعلانه :cry:

[Abdulrahman Alswaid]

ههههه

انشاء الله

و الله يوم وصلنا للخبر الساعة 9 مساء و فتحة باب السيارة لادخل لمبنى العمارة التي سوف اسكن فيها "لفحني" هبوب منعش خلتني اشك في الوقت قلت لا هذا مو ليل هذه غز القايله(يعني منتصف النهار تحت شمس حارقة)


طبعا قعدنا ويمين و ويله ركض للرياض

ههههه


المرة الثانية بقول لكم

[انوار]

مرحبا وردة فرح :-D
كيف حال الصحة :o
وردة فرح الافضل عندما رحتي الى الدكتور العظام كنت تسأله عن حالش الصحية بالتفصيل علشان تطمئني
لو انا ما اخليهم اسوو شيئ الا وانا فاهمه كل شيء عن حالتي اي ايصير الدكتور معلم و المريضة انا الطالبة :shock: :shock:
كذا افضل كل ما زدنا نور و علم كل ما طردنا الوهم و الخوف و الوسواس :-D :-D
ههههههههههه :P :P
و الدكتور عبد الرحمن الله يخليه و يحفظه هالدرجة ما تحملت جو الشرقية و الله لو طولت فيها شويه كان ما بتطلع امنها بتتعود على جوها و بحرها و سماها و اهلها :-D :-D
وبذات هذا الشهر كان رطوبه و ايد مرتفعة
و دعائي لكم بالتوفيق و العافية :-D :) :lol:

[وردة فرح]

الله عليك يا دكتور عبد الرحمن :o

الى هذه الدرجة ما تحملت جو الشرقية 8) والله العظيم ما ألومك عن جد جونا مو طبيعي 8)

انا بهجر هالشرقية وباروح اسكن عندكم بالرياض :) وش رأيك يا دكتور تستقبلونا :)


ان شاء الله مثل ما وعدتنا المرة الثانية تعطينا خبر :o


دكتور عبد الرحمن ليش ما بتسوي ندوه او محاضرة او اجتماع في الشرقية لمرضى السكلسل

من شان بنشوفك او تزورنا في " مركز وحدة الدعم المعنوي لمرضى السكلسل "


انا زرت الرياض قبل فترة وكنت زايرة بالتحديد " مستشفى الملك فيصل التخصصي " او مركز

الابحاث ..... :roll: لو زرت الرياض المرة القادمة ان شاء الله اقدر ازورك في المستشفى او اخذ

موعد على الاقل :roll: ..... او انت ما تستقبل الا مرضاك ؟؟؟؟؟



هلا حبيبتي انوار :o

انا ما سألت الدكتور عن حالتي يا عزيزتي :o وانت بتعرفي انا عصبيه مشوي وبذبح الدكتور يوم جاني وسحب من رجلي طبعاً بالاول ماني موافقه على هالشي لكن كلمة من هنا وكلمه من هناك مع شويه عصبيه ورفعه صوت مني :lol: اتكلت على الله ورضيت :o

انا يبيلي حل عن هواشي مع الاطباء وعصبيتي عليهم والله مو عارفه وش اسوي :roll:

ليش اتضجر ؟؟؟؟ واتنرفز عليهم ؟؟؟؟

[انوار]

هلا فرح :-D
كيف الحال
حاولي وردة فرح لما اشوفي الدكاترة تذكري حاجة تحبيها و تعزيها :P
او قبل ما شوفي الدكتور تهيئي تفكيرش وش بتقولي لدكتور و يكون كله كلام اجابي
وهذئي بالش يافرح مو كل الدكاترة مو زنيين :o
او اقول اذكري الدكتور عبد الرحمن
و حاولي كل مره و بتنجح مع نفسش :-D
فرح ليش رحتي مستشفى الملك فيصل التخصصي بالرياض
على فكرة وردة فرح انا درست في الرياض مدة 5 سنوات
اول مارحت الرياض احترقت بشرتي احترقت عدل كان يبين الفرق بين جسمي المفتوح و المغطة بالملابس
و تالي اتعودنا
ان شاء الدكتور عبد الرحمن تعجبه اقترحاتش :-D

[وردة فرح]

هلا حبيبتي ... انوار :)

ان شاء الله ما بحتاج ....... لكن اذا قابلت هالمره طبيب بيجي على بالي شي جميل او اذكر

شي احبه ( مع اني ما اتوقع هالشي ) عندي اشوف " عزرائيل " ارحم من شوفه طبيب غبي

وساذج ... مثل يلي عندنا بمعضم مستشفيات الشرقية :evil:

عزيزتي انا زرت مستشفى التخصصي بالرياض وكنت مرافقه وليس مريضه :)

لكن وش رايك بجو الرياض وقت درستك هناك مو احسن من جو الشرقية

[شوق العيون]

مرحبا
اخبارك يا (وردة فرح)
بالنسبة للمشكلة الي تعاني منها طبيعية
انا اعرف صديقة لي مصابة بقفر الدم المنجلي ودائما عندها
هذي المشكلة لما تجيها نوبة الالم
وردة فرح بالرغم اني جديدة في المنتدى بس حسيت انك حبوبة وتدخلي القلب على طول
وفي شي ثاني بعد
انك وايد حاقدة على الدكاترة بالرغم ان في دكاترة حليوين وطيوبين
وصحيح في البعض منهم لايحتمل بس لازم نتحملهم لان احنا بحاجة اليهم
يعطيك العافية

[انوار]

هلا و غلا
عزيزتي وردة فرح
بالنسبة لجو الرياض ناسبني وايد من ناحية صحتي اول ما رحت لان ما فية رطوبة
لكن من جهة ثانية في جفاف كنت انشف هناك و يصير الي جفاف
بعني بديل مقابل بديل اخر
كنت ماقدر اعوض السوائل الي تروح من جسمي
و تالي في السنتين الاخرتين قمت اتعب وايد حتى صارت عندي بطاقة و ملف في مستشفى الملك خالد الجامعي
و زي ماقلت لش احترقت بشرتي وايد
بس الحين لا رجعت على طبيعتها
في فصل الشتاء واو ووووووووو
الجو بارد قارص جدا جدا جدا ما قدر اوصف لش
كيف البرودة تدخل جسمي و عظامتي اف اشعر انها تتكسر
كان لبس لبس ملابس وايد ولا يفيد
و تالي لما يجي الظهر يكون الجو حليوه
لكن اتعود على الجو و تكيفت معاه

[وردة فرح]

هلا حبيبتي ...شوق العيون :P

مشكورة يا شوق اطلاعك على موضوعي و على الكلام الجميل يلي كاتبتة :oops:

ياحبيتبي ..... بعرف ان بعض الدكاترة زينين وحلوين ... لكن وش اسوي في حالي صارت عندي

عقدة من الاطباء ..... احس حالي ولا مره التقيت بطبيب يفهمني ويحس فيني :(

وانت قلتي بنفسك ان في بعضهم ما بيحتمل .... يعني احنا بننهان وبيفكروا فينا افكار وقحة

هذا غير نظراتهم الحقيرة وفوق هذا نتحملهم ....

يمكن لو كنت صغيرة ماجيت وحاسبت ..... حتى ولو كنت صغيرة الطفل وهو طفل بيحس

وبيتضايق ذا احد رفع صوته في وجهه او نظر له نظرة مو حلوه من قبل غريب او قريب له .....

فما بالك انا الحين بنت كبيرة ... وانت بنت وتعرفي مشاعر البنت .... بيجي لك واحد مابعرف

اصله وشو بيعاملك انت والحشرة سوا .... ومن شان وشو ؟؟؟ من شان قلت بوقف الدواء .....

شوق حبيبتي انا الى الان اعاني من مشاكل من قبل الوالد وخالي واهلي اذا جتني نوبة

الالم ... واخرها وقت اللي تنومت فيه من قبل شهر " والدي ما كلمني ولا زارني بالمستشفى

وحتى وقت اللي طلعت استمر الزعل ثلاث اسابيع " ... على وشو بيقول لي " انت الان ما

تتحملي الم حتى لو كان بسيط " ... وهذه الفكرة مدخلنها الدكتور المحترم النذل د\ حسين

>>>> " يجعل ربي بيفجر كرشه" ...

اذا بيشوفني ابكي من الالم ما يهتم " عنده مزحه يمكن" ....

حبيبتي شوق العيون اذا تقدري بتساعديني ساعديني انا محتاجه لطبيب يفهم ؟؟؟ بعرف ان

الهيدروكسي لو انتحر ما بيوافقوا اني اوقفة !!! مع المشاكل يلي تصير لي بسببه :?



هلا انوار .. :P

الله ....

كل هذا بيصير لك من جو الرياض ... تقولي جفاف ... لا الله يخليك زين يلي رجعتي انت يا

انوار ... الله يساعدش مخلصة مافيش شي "هيكل عظمي بس" :-D

زين بيشوف كلامك دكتور عبد الرحمن ..... بيقول ننطبخ على نار جافه

[شوق العيون]

هلا حبيبتي وردة فرح
والله اتمنى اني اساعدك بس ماباليد حيلة
تعرفي اني صار اكثر من سنة ونصف
مااراجع اي دكتور
كنت من قبل اراجع عند دكتورة وانتقلت الرياض والحين قطعت
من فترة طويلة انتين الي ساعديني ورشحي لي
دكتورة زينة
كنت من قبل اراجع في مستشفى صفوى ومستشفى
القطيف المركزي والحين ماراجع ولااحد فيهم ولاني
متبعة اي علاج ولااخذ اي شي عدا الفوليك اسد بعد
على حسب مزاجي اذا حبيت اخذه

[Abdulrahman Alswaid]

انا ما اقول ان جونا في الرياض زين

لكن "متعودين عليه"

اهل الرياض متعودين على الجو الحار الجاف
لذلك ما يتحملون الجو الحار الرطب
الا في حالة و حدة
اذا كان هناك نسمة هواء
اما اذا "سكن" الهواء فنعتبر الجو "موت

الله يحيكم في الرياض
قد يكون في فصل الشتاء افضل

الان تغير الطقس خلال السنوات الاخيرة
ا لصبح الشتاء جو "معتدل" و مقبول في معظم اشهره

بعض الاوقات يكون الجو قارص

على العموام انا لاحظة ان هناك تشابه في درجات الحرارة و الطقس بشكل عام بين الرياض و الشرقية
يعني اذا جاء "عج" في الشرقية فاعرف ان بكره بياصلنا!!


بنسبة لمضوع المحاضرات فانا لا اعالج مرضى الانيميا المنجلية و لا امراض الدم الوراثية
الذي يعالجهم هم اطباء امراض الدم

انا مهتم بهذه الامراض فقد كان في فترة من دراستي "قبل ان ادخل علم الوراثة" ان اتخصص في امراض الدم للاطفال..لكن عدلت عن الفكرة بعد "اغراء" تخصص الامراض الوراثية
ولذلك لدي حب الى حد كبير بامراض الدم الوراثية

و الله سواليفكم توسع الصدر

فارجوا ان تكون اخوات متحابات و يكون للمنتدى الفخر في ان جمعكم

فتفتح لك واحده منكم قلبها للاخرى
حتى و ان لم تعرفوا بعضكم البعض

الله يسعدكم

الاخت وردة فرح
تعرفين سبب غضبك من الاطباء؟

لا اعرف و لكن تخميني هو ان السب ليس الطبيب
و ليس انت

اعتقد هو "ردة فعل لا شعوريه" من غضبك من المرض و عدم تقبلك له

يعني هو ردة فعل تقول انا لا اقبل بهذا الواقع

لذلك قد تنحل الكثير من "ما تواجهين" من والدك و الاطباء عندما تركزين "بشكل عميق" و شعوري في كيفية "التعامل مع الواقع التي انت فيه" الواقع الذي للاسف ليس فيه مفر

يعني تفكير في الواقع و الممكن و ليس في الاماني و الطموحات الغير واقعية

لاشك ان لكل شخ طموحات و رغبات و اماني
لكن من الضروري ان تكون هذه الاماني قابلة للتنفيذ
ثم نسعى لها

قد يكون تفسيري جانبه الصواب
و ان كنت مخطئ فقبلي عذري فانا لا اعرف التفاصيل التي قد تجعلني اصل تفسير لواقعك الذي يؤلمك

الله يسعدكم و يفرج همومكم و حببكم في بعض و يحبب الناس فيكم و ان يحرسكم من كل سوء

[وردة فرح]

هلا حبيبتي شوق العيون :P

يا حبيبتي انا ارشح لك بعض الاسماء من طبيبات مستشفى القطيف المركزي .... انا اشوفهم شوي ... شوي ... زينين طبعاً وعلى كلام بعض البنات يمدحوهم شوي

الطبيبات منهم.....

1- د\ علياء ....
ما اعرف اسم عيلتها لكن هذا اسمها المشهور في المستشفى يمكن هي الوحيدة يلي اسمها علياء .... اسمعت عنها .. طيبه , اخلاقه حليوه مع مريضاتها , وتتعتبرهم اخوات لها .... لكن اذا عصبت يمكن تجرح بالكلام :roll: "
انوار تتعالج عندها يمكن نستعين بها

2- د\ زهراء غريب ...
كم مره تجي لي ودخلتني للتنويم مره شفتها طيبه لدرجه متوسطه نوعاً ما .... لكن ما عمري شفتها تبتسم :?

3- د\ وسام ...
باشرت حالتي بدل الطبيب المعالج لي وقت اللي سويت العمليه وكانت بالمره طيبه ...

4- د\ مي الدعبل ...
هذي انا اعتبرها " شمعه "بصراحه كانت دائماً تجي لي مع الطبيب يلي بيعالجني .... اشوفها طيبه , تاخذ المريضة وتتناقش معاها بهدوء تام ... لكن الحين ما اشوف " رقعه وجهها " من زمان طبعاً ... يمكن صابتها عدوه من " ابو كرش " حسين السعيد... الله العالم. :roll:

واللي بتزيد شوفتهم الالم ... د\ كوثر ...يلي ما عندها اخلاق لا مع مريض ولا مع زميل :x
ود\ يسرى ... تتمسخر على مرضاها " الوقحه" :evil:

اما الاطباء ما اعرف اخلاقهم وما اعرف عنهم شي ....
عندك ... د\ حسين عيسى ... عالجني مره وقت اللي كان طبيبي في اجازه ... طبيب ونعم فيه ... محترم .

د\ حسين الس ...هذا يلي تركته الحين " بتاع المدمنات " ...

و د\علي الجا.. ... تركته " والله حرام يلي حطاه طبيب في هالمستشفى " بيتدخل في كل صغيره وكبيره حتى لو مو مرضاه ...ويقعد يتلقف ويفتي " المفتي علي الجامع " وسخيف جداً جداً جداً ... طبعاً انا تهاوشت معاه وتركته " من شان تلقف فيي " ...

د\ حسن الموسى ... حالياً معاه ... ما اقدر احكم عليه .... الا طيب نوعا ما , ما يحب بيشوف مرضاه زعلانين , لازم تبتسمي " قاعده عنده "....

د\ حسن الش ....عالج اختي كذا مره.... وييجي مع طبيبي اذا كنت متنومه... يمكن ما يحب يتحمل مسؤليه ... بيحب اطلع المريض حتى لو كان بعده تعبان ... المهم ما يكون عنده احد يشغل له باله ... الاهم راحته هو مو راحه المريض .. بنقول عن اخلاقه "ما شي الحال " ..

عندك بعد د\ يحيى ..." خايس " ما اقدر اشوفه ... اشوف الموت ارحم من شوفته ... ويلي اسمع فيهم ...
د\ زكوان " سوري" ... د\ صالح " سعودي" عالج اختي اخر مره وبتقول " زين"

اما يا حبيبتي مستشفى " صفوى " اخرطي .. مو مستشفى هذا ... انا بعض الاحيان اروح لهم لطوارئ فقط .. اذا كان الالم بسيط ... والله العظيم اطلع منهم على طول القطيف ما اعرف وش يعطونا وزيد الالم عندي ... :cry:

انا طبعاً خالي بيشتغل في المستشفى القطيف المركزي " سكرتير المدير الطبي " اذا تبيني اساله عن الاطباء والطبيبات واشوف رايه في اي احد وتبين تداومي مع احد انا حاضره يا عمري :)

[وردة فرح]

هلا يا دكتور عبد الرحمن :P خلاص جهز القهوة والشاي :P انا زايرتنكم في الشتاء ( ولا تنسى " الدوه" ) :P ما اعرف وش اتسمونها " هذي يلي بتحط الفحم فيها من شان الدفئ" :-D

دكتور عبدالرحمن ... يعني وش الفرق بين امراض دم الاطفال وامراض دمنا "كله دم" :-D
طيب سوي لينا عن امراض الدم.... حتى لو كان للاطفال انا باروح لكم

والله يا دكتور انت اللي كلامك وسواليف بتوسع الصدر ... احس انك تفهمنا وتفهم مشاعرنا كمرضى ..

دكتور ... انت بتقول " رده فعل لا شعوري " عندي .... انا ماني فاهمه طيب.. يعني انا ماني متقبله الوضع يلي انا فيه ... بالعكس" احمد ربي واشكره" انا احسن من ناس واجد...
لكن ... مافي احد بيحس فينا كمرضى هذا انا يلي بيضايقني ... لا من طبيب ولا من قريب ...

انا اذا جتني النوبه كأني وحده مرتكبه ذنب ... الكل بيجي بيحاسبني ...الطبيب منه الاهانات والتوبيخ والنظرات الحقيرة ... ( وانت ما تاخذي الادويه بأنتظام وما اعرف ايش , ويلي شاطره فيه " البكي " ) ..حتى البكي بيعاتبونا عليه " وبيقولوا احنا نبكي من شان نبي الابره " هذا تفكيرهم ...ما يحاسبوا ان يلي قدامهم مريضه .. والمريض بيكون في وضع حساس ...

والاهل .... ليش ما سمعتي كلام الطبيب ...هذا اولها ...
ليش ما تهتمي بحالك انت مو صغيرة من شان احد يهتم فيك وبيقول لك هذا صح وهذا خطاء ... وهذا ثانيها ...
لا تشربي هذا لا تاكلي هذا واذا ما اكلنا " وبعدين معاك ما تاكلي تبي تمرضي " ما بعرف لهم حل...
البسي ملابس " وكأن الواحد قاعد عريان " ....
لاتسهري ...
لاتشغل التكيف البروده ماتصلح " واذا الواحد قعد في الحر ..شغلي التكيف لك وين قاعدين تبي تمرضي ما تعرفي انه بينقص الاكسجين عندك" ...
واذا واحد حب مره وحده بيطنش المرض وبيخلي همومه وراء ظهرة ويمزح ويلعب ويضحك بيجي احد هذي المريضه قاعده بتركضي وتلعبي ....انا وحده ما احب بينقال عني " مريضه " هذا بينرفزني .. وانا اسمعها حتى من اهلي "وكأن الواحد ماله اسم " ....و...و....و...ما اعرف وش اسوي بحياتي ...لو اتكلم ما راح اخلص يا دكتور ...