ألتهاب و تورم العظام في مناطق الالم لدى مرضى فقر الدم النجلي، ماهو السبب ؟؟

[صرخات الأمل]

مشكورة يالغالية,,أنوار
المشكلة إني ذهبت للمستشفى,,تقول لي الدكتورة هذا شيء عادي
صرفت لي مغذي و ابر مسكنه.
و هذا حالهم بس يعرفون أنك مصابه بالسكلر مباشرة مغذي و ابر مسكنه
و اتوكلي على ربك..شكلي يبي لي إذا رحت انا أطلب منها أشعة و تحاليل
الله كريم..
تسلمين حبيبتي..
ربي يحميك و يحفظك.

[السحاب]

المشاركة الأصلية كتبت بواسطة صرخات الأمل

صار لي فترة أعاني,,من تورم في اراجلي
بين فترة و الثانية تتورم عندي القدمين و احس بتجمع السوائل فيهما
و زرت مشفى خاص لكن مغذي و ابر مسكنه و اشعة و الحمد لله كويسة الأشعة

لكن هل من الممكن أن يكون استمرار هذا الشيء وراه مضاعفات
لأني بصراحة معاناه مع الورم لأن في الغالب ورم و ثقل بدون ألم..
يستمر فترة و بعدها يروح و يعاود من جديد
؟؟

الله يشفيك ويعافيك ويعينك على الألم

مشكلتك نفسها صارت لي وطولت معاي لـ 5 سنوات.... خليني أقولك كيف

أول شي كانت تطلع تورمات في القدم الأيمن فقط وكأنها مليانه سوائل
وإذا تحركت أو طولت في القعدة تكبر وإذا نمت تختفي ومايكون لها أثر ولمن أصحى ترجع تتورم بشكل خفيف وبس أتحرك يزيد التورم ... ورحت المستشفى وعطوني مسكنات ومغذي

ومرة صار معاها ألم شديد وتغير لونها ورحت المستشفى ودخلوني التنويم وسووا أشعة وتحاليل
وطلع كل شي سليم قالوا يمكن من السكلر

وخرجت من المستشفى وقعدت فترة بسيطة ورجعت وكانت بدون ألم وكان عندي تنويم لعملية المرارة وقالوا نفس الشي وتأجلت العملية

وبعد شهر رجعت المستشفى وكمان كان عندي تنويم لعلمية المرارة وكانت بدون ألم بس فيها احمرار وسووا لي تحاليل من جديد وأشعة نووية وطلع كل شي سليم والحمد لله
ولأنه جاني قبل كدا درن في العظم سووا تحاليل للدرن قالوا يمكن رجع والحمد لله طلعت التحاليل سليمة وبعدها سألوني خبطي برجلك أو طحتي عليها قلت لا ... قالوا يمكن من السكلر

وبعد كم سنة سووا لي أشعة وقالوا فيها التهاب مزمن
والمشكلة إن عملية المرارة تأجلت 3 سنوات بسبب تورمات نفس القدم


وبعد ماخرجت من المستشفى قام القدم الثاني يشارك أخوه في أفراحه وأحزانه
وكرهت الروحه للمستشفى وصرت اسكت عليها وعدت سنة

وبعد السنة بدأ الحوض يوجعني ويوم سووا الأشعة اكتشفوا التآكل وفي نفس الوقت حولوني على العلاج الطبيعي قسم علاج القدمين وطلع عندي تبسط في القدمين
والآم الحوض بسبب تبسط القدم ونفس الوقت الآم القدم بسبب تأكل الحوض >>> كلهم يعينوا بعضهم البعض.. الحمد لله
هذا كلام الدكاترة
وقالوا التآكل يسبب تورمات في القدم .... بس السبب الرئيسي ماعرفته ولا حتى الدكاترة
تأكدوا منه

ومن بعد ماسويت عملية التشطيب اختفت التورمات وما عاد ظهرت إلا قبل فترة بسيطة تتورم
إذا تحركت كثير والورم ما يكون كبير

[صرخات الأمل]

مشكورة يالغلاااا السحاب

تعرفين أنا فترة خلاص تتوم و أحسها مرة ثقيلة,,
و يكون الورم ملحوظ حتى خواتي يقولون لي اراجلك متورمة

و في الغالب لأني ما أتابع في العيادة
ما اروح مستشفى حكومي بالأخص القطيف المركزي لأنهم ما يهتمون
لو كنتِ منومة و قلتي لطبيب راح يهتم إما في الإسعاف ابد ماراح
يعبرونك..

فإضريت اروح مستوصف خاص..
أول مرة رحت,,ابر مسكنه لأن كان فيها الم
و مغذي و أشعة و تحاليل
و الحمد لله كله سليم,,

بعدها صار يتكرر و كان بدون الم..
لكن تعرفين يظل اسبوعين او اكثر,,حتى تعرفين لما يصير فيهم الورم
مثل قريب زواج اختي استغربت كنت رايحة اشتري لي صندل ..ربي يكرمك..
و اخذت المقاس المعتاد,,مستحيل ما يجي طيب اكبر بمقاس ما يجي ب 2
اخذته المهم و كان الزواج بعد فترة,,,هههه و إلا الكارثة زاد الورم
و ما دخل هههههه
بصراحة انقهرت مرة,,,لأن أراجلي صارت تخوف

و الآن من فترة لبست الصندل هههه واسع حيل

,,

ربي يساعدنا على هالحالة..

الآن الحمد لله أراجلي بخير و يارب ما يرجع الورم لأني أحس بالثقل حتى في المشي..

مشكورة السحاب يالغلاااا
و ربي يبعد عنك الشر..

[السحاب]

المشاركة الأصلية كتبت بواسطة صرخات الأمل

مشكورة يالغلاااا السحاب

تعرفين أنا فترة خلاص تتوم و أحسها مرة ثقيلة,,
و يكون الورم ملحوظ حتى خواتي يقولون لي اراجلك متورمة

و في الغالب لأني ما أتابع في العيادة
ما اروح مستشفى حكومي بالأخص القطيف المركزي لأنهم ما يهتمون
لو كنتِ منومة و قلتي لطبيب راح يهتم إما في الإسعاف ابد ماراح
يعبرونك..

فإضريت اروح مستوصف خاص..
أول مرة رحت,,ابر مسكنه لأن كان فيها الم
و مغذي و أشعة و تحاليل
و الحمد لله كله سليم,,

بعدها صار يتكرر و كان بدون الم..
لكن تعرفين يظل اسبوعين او اكثر,,حتى تعرفين لما يصير فيهم الورم
مثل قريب زواج اختي استغربت كنت رايحة اشتري لي صندل ..ربي يكرمك..
و اخذت المقاس المعتاد,,مستحيل ما يجي طيب اكبر بمقاس ما يجي ب 2
اخذته المهم و كان الزواج بعد فترة,,,هههه و إلا الكارثة زاد الورم
و ما دخل هههههه
بصراحة انقهرت مرة,,,لأن أراجلي صارت تخوف

و الآن من فترة لبست الصندل هههه واسع حيل

,,

ربي يساعدنا على هالحالة..

الآن الحمد لله أراجلي بخير و يارب ما يرجع الورم لأني أحس بالثقل حتى في المشي..

مشكورة السحاب يالغلاااا
و ربي يبعد عنك الشر..

وأنا كمان ماكنت أروح للطواري لأن يوم أتنوم يكون عندي في الأساس تنويم لعملية المرارة
وكانت التورمات في أغلب الأحيان بدون ألم


ويوم زواج أخوي اشتريت صندل "الله يكرمك" وكان على مقاسي
ويوم الزواج مادخل في رجلي قمت رميت أبوه في الغرفة وقعدت حافية القدمين
وماتذكرته غير واحنا مروحين ... خسارة فلوس بس ههههههه


واللي أعتقده والله أعلم إن سببها في الغالب يكون من السكلر


الله يخفف عنك وإن شاء الله تروح التورمات وماترجع أبد

[صرخات الأمل]

مساء الخير,,

سحوبة حبيبتي,,
أيوة رااح عليك..الله يعين شكلنا المراات الجاية ما يبي لنا نشتري شيء للقدمين
يمدحون المشيء بدون
,,

طيب أنت متى كانت تزيد عندك هالتورمات,,

_ إذا كانت نفسيتك مش أكويسة..

_ إذا ظليت جالسة فترة طويلة..

_ مشيتي مسافة..

و لا كذا بدون أسباب ما تلقين إلا و أراجلك فيها الورم..
و إذا تحسين أن فيه أسباب غير إلي ذكرتها قوليها لي..
تعرفن أنا مدري ما لاحظت
لكن فترة أمي قالت لي شكله من كثر ما تجلسين ,, و الله العالم..
ربي يزول عنا يارب..

[السحاب]

على قولك شكلنا ما يبي لنا نشتري شيء للقدمين

وبالنسبة لسؤالك
قلت لك أول لمن أطول في الجلسة أو الوقوف
وكثرة الحركة يعني لمن نروح مناسبة أو يكون عندنا ضيوف واتحرك
كثير في الروحة والجية

[صرخات الأمل]

مشكورة حبيبتي,,السحاب
ربي يحميك و يحفظك و يجزاك كل خير
تقبلي دعواتي..

[ريما الو الو]

يا قلبي عليكم
الله يشفيكم ويعافيكم ويرفع الضر عنكم
انا اشوفكم ناس متميزين .. ربي اعطاكم ميزه .. صح تتالموا لكن فيكم قوه وصبر بسم الله عليكم
انتوا اقوا مناا
دائما اقولها انتم اقوى وافضل منا

الله يحميكم بحماه ويرفع الضر عنكم

..

معلش عندي سؤال
هل احد منكم جرب التامين الطبي يشمل الانيميا المنجلية .؟
هل يغطي الاسنان ..؟
شكراا