ضروري تعطوني رايكم لو سمحتوا؟

[مشاعل عبدالله]

السلام عليكم ورحمة الله

بنتي نجلاء تعاني من ضيق في الحلق وهذا الشئ متعبها كثير وطبعا تعبنا انا معها

فانتم عارفين ان المرض الجلدي هذا يسبب صعوبة في البلع لكن من مدة اربع سنوات تقريبا ونجلاء

يجيها فجاة ايام ما تقدر تبلع اطلاقا حتى الماء ما تقدر تشربه

شافها دكتور الجهاز الهضمي قال ان عندها ضيق في الحلق وما لهل علاج الا انا نجري لها عملية في

الحلق تسمى نفخ البالون عشان يتوسع الحلق لكن العملية ليست بسيطة بسبب وضعها الصحي وانا

من ذاك الوقت وانا في حيرة شديدة

فاخاف نسويها يكون لها مضاعفات وتتعب واذا وما سويناها تجيها هالغصة الشديدة ما بين فترة

وفترة وتتعبها كثير

وانا الاحظ انها تزيد في البرد وتوقعت ان الحلق يكون فيه التهاب من البرد لكن الدكتور يقول لا ما له علاقة بالبرد

لكن انا متعجبه كيف الضيق يزيد احيانا ويخف احيانا؟

رجاء عطوني رايكم ولو كنتم مكاني كيف تتصرفون؟

وهل فيه احد منكم صار لعياله هالحالة ؟

المعذرة طولت عليكم واشكر كل من يشارك في الموضوع