![]() |
![]() |
|
|
قسم شق الشفه و شق الحنك لمواضيع شق الشفه ( الشفه الارنبية) و شق الحنك |
![]() |
|
أدوات الموضوع | طرق مشاهدة الموضوع |
![]() |
#1 |
عضو جديد
مورث جديد
تاريخ التسجيل: Jul 2011
الدولة: السعوديه
المشاركات: 1
معدل تقييم المستوى: 0 ![]() |
![]()
انا عمرى الان 25 سنه وشوى في رمضان ادخل 26
سويت عمليه في سقف الحلق زمان والشفه الارنبيه كم مره كنت عائش زى زى غيري معا الايام احس الناس تطالع فيا بنظرات غريبه ومحرجه حتى الكلام ايا م الدراسه لازم اعيد واعيد دخلت الكليه والاحباط ذبحني وتخرجت بتقدير زى وجهى ولا شغله ولا مشغله مانى عاجبهم لاشكلي ولا كلامى والله صرت ما انزل من البيت خير شر بعدت عن الخلق ماحصلت غير النت فكرت في الانتحار بس المشكله بعد الانتحار والله حتى البنت الي تعلقت فيها لدرجه كبيره شافتنى على الكمبيرا ماعاد شفتها ساعات اقول نصيب واشوف غيري غيري افضل منى ليه طيب والله مانى عارف اكتب لانو ماتعودت اشتكى بس تعبت بس المشكله المجتمع عندنا مايرحم تحياتى لكم |
![]() |
![]() |
![]() |
#2 |
![]() ![]() مورث قمة التميز
تاريخ التسجيل: May 2009
الدولة: السعودية (الرياض)
المشاركات: 12,547
معدل تقييم المستوى: 1309 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
[align=center]السلام عليكم ورحمة الله وبركاته
أولاً حياك الله في منتدى الوراثة الطيبة ونتمنى لك الفائدة والمتعة معنا ونتمنى أن نرى لك مشاركات رائعة وجميله واسمح لي أتكلم معك بكل بساطة انت تقول عمرك خمسة وعشرين وانا عمري ضعف عمرك تقريباً واكبر منك بيوم اعلم منك بسنه زي مايقولون وباتكلم معك عن تجربة وتعامل مع الحياة والناس اول شي بعطيك مثال بسيط ماعمرك مر عليك شخص أول ماشفته ما ارتحت له بالمرة ؟؟؟ شكله او طريقة كلامه أو أو أو المهم مادخل مزاجك زي ما يقولون لكن تلقاه مره ثانية تتعرف عليه لأي سبب يمكن طالب معك أو مدرس أو زميل عمل أو أو أو ... المهم تكتشف انك كنت غلطان بالمرة لأنك اكتشفت شي مختلف تماماً عن الصورة التي رسمتها من أول نظرة شفت الرجال تحصل والله كثير وحصلت لي شخصياً مع كثيرين هنا عاد ابوضل معك لنقطة مهمة الشكل شي ظاهري ماينبنى على تقييم شخص ما نقدر نحدد الإنسان من شكله أو صوته أو لون شعره ولا بشرته الإنسان مشاعر وأخلاق وقيم وقبل كل شيء إيمان وثقه أنت مشكلتك ماهي من الناس واسمح لي على هالكلام .. مشكلتك من نفسك أنت لو وثقت في نفسك وعرفت قيمتك وأنك أنسان مثابر ابتلاك الله بأمر لم تختارة ولم يختاره لك أحد صديق ولا عدو ومع ذلك قامت اسرتك بحقك في إصلاح العيب الخلقي وقدرت تواصل تعليمك وتتخرج حتى لو كانت النتيجه أو التقدير ماكان المأمول لكنك تخرجت وما لقيت فرصة ووظيفة هذا مهوب علشان شكلك والا صوتك كم الالف غيرك تخرجوا ومالقوا فرصة شف كيف تفكيرك وين وصل ووصلك إلى لوم نفسك في كل شي وإنك أنت السبب شكلك غلط أنت كلك غلط أنت لا شيء وغيرها وغيرها من الأفكار اللي وصلتك للتفكير في أمر خطير بكل المعاني الحل بيدك أنت فقط ولا تنتظر من أحد يحل مشكلتك تتوقع بيجي احد يقول للناس ياجماعة ترى الشاب هذا شاب طموح وتراه خلوق وتراه وتراه ... ؟؟؟ أبداً يا أخي ولو حصل أنك لقيت هالأحد كم مرة بيعرف الناس عليك ويشرح لهم عنك ؟؟؟ ما فيه غيرك يغير النظرة اللي أصلاً أنت مضخمها جداً ومتصور الناس مالها الا شكلك وصوتك لأنك تفكر فيها على طول تصور واحد مار نقطة تفتيش شرطة أو جوازات ومعه شي ممنوع كيف تكون حالته ؟؟؟ أكيد يكون متأزم وقلقان ويظهر هذا عليه وعلى تصرفاته تدري ليش ؟؟؟ لأنه يفكر في المشكلة ومتصور الكل عارف وش معه الإنسان كذا إذا فكر المشكلة وكبرها تكبر في نفسه وتشغله ويتصور له أنه ما فيه أحد عنده مشكله الا هو طالع غيرك من اللي ما يمشون ودايم على كرسي واللي مايشوف والاما يسمع أو يتكلم وغيرهم فيه كثير ناجحين ومتفوقين ومتميزين حتى على السليمين وانت ماشاء الله عليك مافيك العافية وشغلت اللي شافتك وماعادت خلها تولي اللي ماتبيك الاعلى شان شكلك لا خير فيها وبيعوضك الله خير منها اعتذر منك على بساطة الأسلوب وأرجو اني ما زعلتك بشي او غلطت في كلامي بشي وفقك الله ورعاك وبارك فيك أخوك أو عمك ابوخالد [/align]
__________________
. . . إلهنا ۩۩ جُودك دلنا عليك، وإحسانك قربنا إليك، نشكو إليك ما لا يخفى عليك، ونسألك مالا يعْسُرُ عليك ؛ إذ علمك بحالنا يغني عن سؤالنا يا مفرجَ كربِ المكروبين فرج عنا ما نحن فيه ۩۩ |
![]() |
![]() |
![]() |
مواقع النشر |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
طرق مشاهدة الموضوع | |
|
|